Nxënësin 14 vjeçar e rrahën para shkollës në Shkup, pastaj pamjet i publikuan në rrjetet sociale

Prindi i djalit 14 vjeçar ka raportuar se djali i tij është rrahur para shkollës, ndërkohë pamjet janë publikuar në rrjetet sociale nga vetë rahësit. Policia, prokurori publik dhe inspektori për të mitur janë të ngarkuar për zbardhjen e rastit, transmeton Portalb.mk.

“Në SPB Shkup, A.J. (43) nga fsh, Studeniçan, rrethina e Shkupit, denoncoi se më 12.05.2026, rreth orës 09:30, para një shkolle fillore në territorin e komunës së Studeniçanit, djali i tij 14-vjeçar ishte sulmuar fizikisht nga disa të mitur”, raportoi Policia.

Këta të miturit gjatë rrahjes e kishin incizuar ngjarjen dhe e kishin publikuar në rrjetet sociale.