Sulmuesi i Bayer Leverkusen dhe ylli i Nigerisë është gjithnjë e më pranë Milanit, por transferimi i tij i mundshëm tek kuqezinjtë ka ngjallur protesta mes tifozëve milanezë.
Marrëveshja është gati, agjenti i Victor Boniface pritet të mbërrijë në Milano për detajet e fundit, por ardhja e sulmuesit të Bayer Leverkusen te Milani nuk po ndez entuziazmin e tifozëve kuqezi, përkundrazi. Shumë dyshime, të shprehura qartë edhe nga postimet në media sociale.
“Shpresoj që të gjithë ju që e mbështesni Boniface të jeni të vetëdijshëm që ai ka pasur probleme të mëdha brenda skuadrës. Thuhet se karakteri i tij është shumë i vështirë dhe se është përplasur disa herë me lojtarë të tjerë të ekipit”, shkruajn tifozët e kuqezinjve në media sociale .
Megjithatë, ajo që shqetëson më shumë tifozerinë milanezë janë dëmtimet e rënda që kanë penguar karrierën e sulmuesit 24-vjeçar nigerian.
“Boniface është një ish-futbollist dhe këtë do ta shihni”, shkruan një tifoz i Milanit.
Një tjetër e thotë: “Mua më pëlqen shumë Boniface, por pikëpyetja mbi gjendjen e tij fizike është e madhe”.
“Në pjesën e sezonit 24/25 Boniface ka qenë jashtë për shkak dëmtimi për 75 ditë, ka luajtur vetëm 19 ndeshje dhe ka shënuar 8 gola. Problemi është vetëm ky, por është një problem i madh”, shkruan një tjetër fans në X.
Nella parte di stagione 24/25 #Boniface e’ stato fuori per infortunio 75 giorni, giocato 19 partite e segnato 8 goal. Il problema è solo questo, ma è un grande problema ✅📌 #Milan #SempreMilan
— Massimo (@Cerberu1974) August 21, 2025
Me të njëjtën logjikë vjen edhe një tjetër reagim nga tifozët: “Asnjë lojtar me dy dëmtime të ligamentit në historikun e tij nuk kthehet më në nivele shumë të larta”.
Su Boniface ho una sola perplessità
— AnfetaMilan (@AnfetaMilan) August 21, 2025
Top Channel
Burimi: top channel
