Kryetari i bashkisë së Kievit, ish-boksieri profesionist Vitali Klitschko, u përgjigj të dielën ndaj kritikave të presidentit të Ukrainës për masat për të ndihmuar banorët të përballojnë ndërprerjet e energjisë elektrike, duke i përshkruar mosmarrëveshjet si “të pakuptimta” në mes të fushatës ushtarake të Rusisë.
Klitschko tha se 430 “qendra ngrohjeje” po i ndihmonin banorët të përballonin efektet e sulmeve ruse në termocentralet dhe më shumë se 100 të tjera ishin planifikuar në rast të kushteve ekstreme. Presidenti Zelensky vuri në dukje javën e kaluar se kishte shumë ankesa për masat e miratuara në kryeqytet.
“Nuk dua të përfshihem në beteja politike, veçanërisht në situatën aktuale”, tha Klitschko në një video të postuar në Telegram.
“Kjo është e pakuptimtë. Kam gjëra për të bërë në qytet”, shtoi ai.
