Një tjetër largim ka ndodhur te Tirana.
Hajrulla Tola nuk do të jetë më pjesë e bardhebluve për pjesën e mbetur të sezonit dhe ky është një tjetër largim i papritur nga kryeqytetasit.
Lajmi është bërë i ditur nga vetë futbollisti nëpërmjet një postimi në rrjetet sociale. 21-vjeçari i falenderon për mundësinë e dhënë, ndërsa nënvizon se dëshiron që rrugët të ribashkohen sërish në të ardhmen.
“Më lejoni që nëpërmjet këtij story t’ju njoftoj që unë nuk do jem më pjesë e Tiranës.
Shpresoj që rrugët tona të lidhen përsëri në të ardhmen. Faleminderit KF Tirona. Faleminderit tifozave Fanatics. Me respekt Tola”, shkruan futbollisti.
Kujtojmë se Tola ka dalë nga akademia e kryeqytetasve, ndërsa ka mbajtur veshur fanellëne Korabit në pjesën e dytë të sezonit të kaluar.
Burimi: botasot.info
