Vllaznia e Shkodrës është shumë pranë zyrtarizimit të përforcimit të dytë në afatin kalimtar, pas Lorik Boshnjakut, mesfushorit që erdhi nga skuadra e Prishtinës.
Supersport mëson se klubi shkodran ka arritur akordin me Nemanja Bosançiç, 27-vjeçarin serb që ka lindur në Prishtinë. Bosancic aktivizohet në qendër të mesfushës dhe prej janarit të vitit 2021 ishte pjesë e Struga Trim Lum.
Ai ishte ndër lojtarët më të dalluar të ekipit shqiptar që garon në Maqedoninë e Veriut, duke shënuar tetë gola e duke dhuruar nëntë asiste.
Bosançiç ka luajtur më parë edhe në Serbi (Inxhija, Borci Çacak, Kollubara) dhe Mali i Zi (Berane), teksa tani është gati të nisë aventurën e parë në Abissnet Superiore.
