Një përmbledhje e fjalimeve të kohës së luftës nga Volodymyr Zelensky, me një hyrje të shkruar nga presidenti ukrainas, do të publikohet më 6 dhjetor.
Libri do të quhet “Një mesazh nga Ukraina” dhe do të përfshijë një parathënie nga Arkady Ostrovskym, redaktori i Economist për Rusinë dhe Evropën Lindore, njoftoi të hënën Crown, një divizion i Penguin Random House.
Zelensky tha në një deklaratë të lëshuar nga Crown: “Mbështetja e Ukrainës nuk është një trend, një meme apo një sfidë virale.”
“Nuk është një forcë që të përhapet me shpejtësi në të gjithë planetin dhe pastaj të zhduket po aq shpejt.”
“Nëse doni të kuptoni se kush jemi, nga jemi, çfarë duam dhe ku po shkojmë, duhet të mësoni më shumë se kush jemi.”
“Ky libër do t’ju ndihmojë të bëni pikërisht këtë.”
Të ardhurat do të shkojnë për United24, iniciativa që Zelensky nisi për të bashkërenduar donacionet bamirëse për Ukrainën.
Zelensky tha se ai ka zgjedhur 16 fjalime që ai shpreson se do t’i ndihmojnë lexuesit “të kuptojnë ukrainasit: Aspiratat tona, parimet tona dhe vlerat tona”.
Ish-aktori dhe humoristi u zgjodh President në vitin 2019.
Ai e gjeti veten të transformuar papritmas në një udhëheqës të kohës së luftës pas pushtimit të Rusisë në shkurt, me qëndrimin e tij të pasionuar dhe sfidues duke sjellë krahasime me Sir Winston Churchill ndër të tjera.
