Reprezentuesi i Kosovës, Vedat Muriqi, u paraqit standard si zakonisht për Mallorca-n, por nuk ia dolën në përballje me Sociedadin, duke pësuar humbje me rezultat 2:0, në ndeshjen e mbetur të javës së 21-të.
Mysafirët u treguan më të mirë dhe importuan tre pikë të mëdha në luftë për të siguruar një vend në garat evropiane.
Golat u realizuan nga Silva (35′) e Merino (62′).
Sociedad zë vendin e gjashtë me 44 pikë pas 26 jave në Spanjë, ndërsa Mallorca është në pozicion që nuk i lë qetësi përkatësisht në vend të 16-të me 26 sosh.
Mallorca nuk është edhe larg skuadrave të rrezikuara që të bien nga elita, për çka i duhet një reagim në sfidat e ardhshme që t’i shmanget kësaj zone.
