Shërbimi Meteorologjik i Francës i dha fund vigjilencës portokalli pas përfundimit të shiut të ngrirë në veri-lindje që la të vdekur një person.
Shiu që çoi në mbylljen e disa autostradave në Burgundy mbrëmjen e së shtunës, duket se është shkaku i një aksidenti mes tri automjeteve në drejtimin Paris-Lyon.
Drejtuesi i njërit prej automjeteve, një 20-vjeçar, ka humbur jetën, ndërsa katër persona të tjerë kanë mbetur të lënduar lehtë, mes tyre edhe një fëmijë gjashtëvjeçar, thanë zjarrfikësit.
Të dielën, meteorologët i dhanë fund vigjilencës duke shpjeguar se “një shqetësim i lidhur me një masë të lehtë ajri” po “përfshinte të gjithë vendin, në drejtimin jugperëndim/verilindje, i cili i jep fund borës dhe shiut të ngrirë që kërkon monitorim. “
Meteo-France kishte parashikuar reshje bore “në përgjithësi mjaft të shkurtra”, por mund të ishte “më këmbëngulëse në departamentet kufitare të Grand-Est, të cilat mund të japin deri në pesë centimetra”.
Burimi: botasot.info
