Një person i vdekur dhe tre të lënduar kanë mbetur nga aksidenti i mbrëmshëm në rrugën Kriva Pallankë – Rankovcë – Kumanovë.
Nga MPB njoftojnë se personi që ka ndërruar jetë është 21-vjeçari, drejtues i makinës së aksidentuar (Audi).
“Me datë 14.08.2023 në ora 01.28 në stacionin policor në Kriva Pallankë është raportuar se në rrugën kryesore Kriva Pallankë – Rankovcë, në fshatin Lubinci, I.M. nga Kriva Pallanka, ka humbur kontrollin mbi makinën dhe është përplasur në mburojat e rrugës. Nga plagët e marra drejtuesi I.M. ka ndërruar jetë në vend, ndërsa mjeku i Ndihmës së Shpejtë ka konstatuar vdekjen e tij. Ndërkaq pasagjerët J.S.(21), H.S.(22) dhe M.S.(21), të gjithë nga Kriva Pallanka, kanë pësuar lëndime të cilat janë konstatuar në Spitalin e Përgjithshëm Kumanovë, ndërsa në vendin e ngjarjes ka bërë kontroll të ekipit nga DPB Kriva Pallankë”, thonë nga MPB Maqedoni.
