Anësori i majtë i Atletico Madridit, Thomas Lemar pësoi një këputje të tendinit të Akilit në ndeshjen kundër Valencias.
Lemar ra keq në tokë, duke marrë kështu një goditje në kokë. Francezi, së bashku me De Paul i shtohen listës së të lojtarëve të padisponueshëm për ndeshjen e së martës në Olimpico kundër Lazios, takim ky që vlen për UEFA Champions League.
“Thomas Lemar pëson një këputje të tendinit të Akilit. Lojtari do t’i nënshtrohet një operacioni. Suksese Thom, të urojmë shërim të shpejtë!” – Shkruan në postim klubi nga Madridi.
Lemar luan te Atletico prej vitit 2017, periudhë në të cilën erdhi nga Monaco. Më parë, ai ka mbajtur veshur edhe fanellën e Caen.
