Që kur debutoi në Nëntor, ChatGPT i OpenAI arriti një numër përdoruesish me një ritëm që konsiderohet i jashtëzakonshëm me përjashtim të Threads, ndërsa tani kompania thotë se është gati ta lançojë në formën një aplikacioni Android.
ChatGPT për Android vjen disa muaj pas lançimit të aplikacionit iOS që solli ChatGPT në iPhone dhe iPad.
Përmes një cicërime në rrjetin social Twitter kompania njoftoi se aplikacioni Android po vjen javën e ardhshme pa specifikuar një datë por që paraqiti një lidhje për në faqen e porositë në Google Play Store ku mund të regjistroheni dhe ta instaloni menjëherë sapo të bëhet i disponueshëm.
Kur ChatGPT debutoi në iOS në muajin Maj, kompania tha se do të lançojë një version Android së shpejti.
Rivali Google Brd nuk ka aplikacione mobile të dedikuara ende dhe përdoruesit duhet të shfrytëzojnë ndërfaqen në ueb. Aplikacioni Bing i Microsoft me inteligjencë artificiale ka qenë i disponueshëm në Android dhe iOS që prej muajit Shkurt duke përdorur modelin Prometheus dhe GPT-4.
Aplikacioni Android i ChatGPT po vjen në një kohë kur firmat analitike Sensor Tower dhe Similarweb treguan rënie të trafikut dhe instalimeve në Qershor. /PCWorld Albanian
BURIMI: PCWORLD.AL
