Kulla prej gurit e familjes së Jonuz Tafollit në fshatin Çadrak të Komunës së Suharekës ka filluar t’i nënshtrohet ndërhyrjeve restauruese- konservuese nga Qendra Rajonale për Trashëgimi Kulturore në Prizren.
Ndërtesa e vjetër prej dy shekujsh për një kohë të gjatë shërbente si odë, derisa iu bë konak qindra njerëzve në vitet e 90-ta.
Konservimi i kullës qindra vjeçare u bë edhe për nxitje të turizmit në rajonin e Prizrenit, përkatësisht në komunën e Suharekës, pasi fshati ku kjo shtëpi prej guri është e perqëndruar, tashmë është braktisur nga banorët.
