Ministri i Transportit Aleksandar Nikollovski i ftuar sonte në Click Plus në TV21 foli edhe për autostradën Shkup-Bllacë. Nikollovski tha se 2 kilometrat e para të rrugës Shkup-Bllacë lidhin asgjënë me asgjënë. Tutje Nikollovski theksoi se 2 kilometrat përfundojnë në luginë, siç shtoi në një gropë të madhe.
“Aty është e njëjta histori, flasim për ato 2 kilometrat e famshme, ju ftoj me kamera që të incizoni, ato 2 kilometra përfundojnë në luginë, gjegjësisht në një gropë të madhe dhe praktikisht kemi një rrugë që nuk shkon askund. Cfarë kuptimi ka të ndërtosh 2 kilometra që lidh asgjë me asgjë. Praktikisht kemi 2 kilometra autostradë që lidh asgjënë me asgjënë”, tha ministri i Transportit Aleksandar Nikollovski në Click Plus në TV21.
Ndër të tjera, Nikollovski theksoi se Maqedonia nuk është aq e pasur sa të harxhojë 300 milionë euro për 10 kilometra autostradë.
Burimi: TV21
