Në një sulm terrorist të kryer në kufirin e Nigerit me Malin kanë humbur jetën 17 ushtarë, transmeton Anadolu.
Në një deklaratë nga Ministria e Mbrojtjes e Nigerit, thuhet se autokolona ushtarake u sulmua nga persona të armatosur të paidentifikuar në mesin e zonave Boni dhe Torodi, që ndodhet në rajonin Tillaberi.
Ndër të tjera në deklaratë theksohet se në sulm humbën jetën 17 ushtarë dhe u plagosën 20 të tjerë.
Tillaberi, i cili njihet si “kufiri i 3 vendeve” ndodhet në vijën kufitare të përbashkët që ndajnë Nigeri, Mali dhe Burkina Faso.
Kjo vijë kufitare sulmohet shpesh nga grupet terroriste të lidhura me Al-Kaedën dhe DEASH-in.
Në operacionet kundër terrorizmit janë të mobilizuar rreth 12 mijë ushtarë të Nigerit dhe pothuajse gjysme e tyre ndodhen në kufirin me Malin dhe Burkina Fason me një gjatësi prej 1.400 km.
