Përfaqësuesi special i Bashkimit Evropian për dialogun Prishtinë-Beograd dhe çështje të tjera rajonale të Ballkanit Perëndimor, Miroslav Lajçak, dhe përfaqësuesi special për Ballkanin Perëndimor dhe zëvendësndihmës sekretari Gabriel Escobar do të mbajnë një konferencë për shtyp online. (Ora 9:00, ZOOM)
Mbahet workshopi Echocardiography Save the Day me mjekë nga Italia. (Pejë, ora 09:00)
Vazhdon procesi gjyqësor ndaj Salih Mustafës. (Hagë, ora 09:30-16:30)
Komisioni për të Drejtat e Njeriut mban dëgjim publik mbi nismën ligjore për Projektligjin për peticione. (Kuvendi i Kosovës, salla N-506, ora 10:00)
Komisioni për Legjislacion shqyrton në parim Projektligjin për Byronë Shtetërore për verifikimin dhe konfiskimin e pasurisë së pajustifikueshme, Projektligjin për deklarimin, prejardhjen dhe kontrollin e pasurisë dhe të dhuratave, si dhe shpalljen e konkursit për zgjedhjen e anëtarëve të Këshillit Gjyqësor të Kosovës. (Kuvendi i Kosovës, salla N-302, ora 10:00)
Komisioni për Buxhet shqyrton raportin me amendamente për Projektligjin për ndryshimin dhe plotësimin e ligjit për administrimin e pasurisë së sekuestruar dhe konfiskuar të Komisionit për Legjislacion. (Kuvendi i Kosovës, salla C-203, ora 10:00)
Komisioni për të Drejtat dhe Interesat e Komuniteteve dhe Kthim shqyrton Projektligjin për ndryshimin dhe plotësimin e ligjit për administrimin e pasurisë se sekuestruar dhe konfiskuar, me raport amendament të Komisionit funksional për Legjislacion. (Kuvendi i Kosovës, salla N-303, ora 13:00)
