Zëvendëskryetari i parë i Qeverisë dhe kandidat i VLEN-it për kryetar të komunës së Çairit, Izet Mexhiti, ka inspektuar nga afër punimet për asfaltimin e rrugës “7 Korriku” në Seravë, një projekt që përfshin rreth 630 metra katror sipërfaqe.
Ky investim sipas Mexhitit është pjesë e vizionit të tij për një Çair modern dhe me standarde evropiane, ku çdo familje do të ketë kushte më të mira jetese dhe një infrastrukturë që lehtëson qarkullimin dhe lidh lagjet mes vete.
“Ky është një hap konkret që tregon përkushtimin tonë për të sjellë zhvillim real në çdo lagje. Serava dhe e gjithë komuna e Çairit do të ndihen më afër institucioneve që punojnë për qytetarët. Hap pas hapi, po e ndryshojmë realitetin”, theksoi Mexhiti.
Sipas zëvendëskryetarit të parë të Qeverisë dhe kandidatit të VLEN-it për kryetar të komunës së Çairit, Izet Mexhiti ky projekt është dëshmia më e mirë se vizioni i VLEN-it nuk mbetet në fjalë, por përkthehet në vepra konkrete, që prekin drejtpërdrejt jetën e qytetarëve.
Burimi: lajme24.mk
