Neymar u transferua në Arabinë Saudite, pasi nënshkroi një kontratë shumëmilionëshe me Al Hilal. Është nënshkrimi më i rëndësishëm i karrierës së tij sportive, pasi ka lënë pas Paris Saint Germain për të nisur një jetë të re në futboll, diçka që me siguri do t’ia ketë prishur planet e tij familjare.
Por, jeta e tij personale duket se nuk po stabilizohet. Pas rreth një muaji, braziliani do të bëhet baba për herë të dytë, ndërsa për herë të parë me Bruna Biancardi.
Megjithatë, gjatë gjithë shtatzënisë problemet mes të dyve kanë vazhduar dhe vazhdojnë për shkak të aferave të tradhtisë që rrethojnë lojtarin. Lista është tashmë shumë e gjatë.
Thashethemet në lidhje me jetën e tij të dashurisë tani fokusohen nëse është vërtet në një lidhje me nënën e fëmijës së tij të ardhshëm, apo nëse ata janë ndarë.
Marca shkruan se është e qartë se Neymar e jeton jetën sikur të jetë vetëm. Lojtari i klubit saudit shkoi në Peru me kombëtaren braziliane, ku performoi shumë mirë, madje e kaloi Pelen si golashënuesi më i mirë i Brazilit.
Si shpërblim, futbollisti udhëtoi drejt Spanjës për të shijuar një festë me miqtë e tij… dhe gjithashtu me dy femra me të cilat ishte veçanërisht i afërt.
Portali LeoDias ka shpërndarë një video, në të cilën shihet Neymar duke kaluar kohë me femrat në një klub nate. Videoja shkaktoi një ortek komentesh në rrjetet sociale dhe shumë prej tyre i dërguan fjalë mbështetjeje të dashurës së tij.
