Kryeministri izraelit Benjamin Netanyahu ofroi një shpërblim prej 5 milionë dollarësh për çdo peng të liruar nga Gaza. Ai gjithashtu premtoi se kushdo që ndihmon Izraelin të çlirojë pengjet do të marrë ndihmë për t’u larguar nga territori i rrethuar palestinez.
“Atyre që duan të dalin nga ky bllokim u them: kushdo që na sjell peng do të gjejë një rrugëdalje të sigurt për veten dhe familjen e tij. Ne gjithashtu do të japim 5 milionë dollarë për çdo peng”, deklaroi Netanyahu gjatë një vizite të shkurtër në territorin palestinez.
“Zgjedhja është e juaja, por rezultati do të jetë i njëjtë: ne do t’i kthejmë të gjithë në shtëpi”, shtoi ai.
Një ofertë e mëparshme e kësaj natyre u hodh poshtë nga Hamasi, një grup militant islamik i mbështetur nga Irani, si një farsë.
Grupi tha se pengjet e mbetura do të liroheshin vetëm si pjesë e një marrëveshjeje për t’i dhënë fund luftës, heqjen e bllokadës dhe rindërtimin e brezit.
Burimi: botasot.info
