Kryeministri i Izraelit, Benjamin Netanyahu, deklaroi se Izraeli nuk është palë në memorandumin e mirëkuptimit të raportuar mes Shteteve të Bashkuara dhe Iranit, duke theksuar se qëndrimi i Tel Avivit mbetet i pavarur në lidhje me çështjet e sigurisë dhe programin bërthamor iranian.
Netanyahu vlerësoi presidentin amerikan Donald Trump për angazhimin e tij ndaj kufizimit të programit raketor të Iranit, çmontimit të infrastrukturës së pasurimit bërthamor, largimit të uraniumit të pasuruar dhe ndërprerjes së mbështetjes së Teheranit për grupet aleate në rajon.
Ndërkohë, Trump deklaroi se udhëheqësi suprem i Iranit, Mojtaba Khamenei, ka miratuar marrëveshjen me SHBA-në. Sipas tij, “të gjithë në Iran e kanë miratuar marrëveshjen”.
Megjithatë, deri më tani nuk ka pasur asnjë konfirmim apo koment zyrtar nga autoritetet në Iran lidhur me pretendimet e presidentit amerikan.
Burimi: opinion.al
