Kreu i komunës së Tetovë, Bilall Kasami nuk e përjashtoi mundësinë që VLEN të heqë dorë nga Akademia Shqiptare, në rast se Akademia e Arteve dhe Shkencës në Maqedoninë e Veriut hapë dyert për shqiptarët, përcjell TV21. Kasami tha se janë të hapur për çfarëdolloj zgjidhje institucionale për avancimin e shqiptarëve në nivel akademik.
“Janë të gjitha opsionet e zgjidhjes formale në tryezë. Ne kemi nisur projektin e Akademisë shqiptare dhe do të vazhdojmë ta përkrahim edhe si komunë e Tetovës edhe si koalicion VLEN, por sigurisht që ndërkohë ne jemi të hapur për të gjitha format e zgjidhjes së kësaj çështjeje, sepse fundja ne nuk jemi kundër as akademikëve shqiptarë të cilët janë në kuadër të ASHAM, pra çdo zgjidhje institucionale e kësaj çështje, për ne do të ishte e mirëseardhur”, pohoi Kasami./tv21.tv
Burimi: TV21
