Në disa marrëdhënie, është lehtësisht e kuptueshme që diçka nuk po funksionon siç duhet. Në raste të tjera, ndryshimet mund të jenë të paqarta. Cilat janë disa shenja që tregojnë se partneri po e humb interesin për marrëdhënien?
1. Nuk ka kohë për ju
Çiftet duhet të duan të kalojnë kohë së bashku dhe nëse vazhdimisht nuk kalojnë kohë cilësore me njëri-tjetrin, ky është një flamur i kuq. Nëse mendoni se partneri po ju shmang ose nëse po i anulon gjithmonë planet tuaja, atëherë diçka nuk shkon.
2. Nuk ka romancë
Edhe nëse keni kohë q; jeni bashkë, kjo nuk do të thotë se “shkëndija” mes jush të jetë shuar. Nëse partneri nuk ju kap për dore si më parë, nuk është më romantik, nuk ka interes për marrëdhënie intime etj., mund të jenë shenja se romanca për ju ka mbaruar.
3. Nuk jeni prioritet
Ju duhet të jeni të parët në marrëdhënie. Nëse partneri është më i interesuar të jetë me miqtë dhe të kënaqet me hobi të tjera, atëherë na vjen keq, por nuk e ka marrë seriozisht marrëdhënien.
4. Nuk ka debat
Të gjithë e dimë se është fakt që mosmarrëveshjet ndodhin gjatë gjithë kohës në një marrëdhënie, dhe nëse partneri preferon të heshtë në vend që të flasë dhe të komunikojë hapur me ju për një çështje, kjo është sërish një flamur i kuq.
5. Përpiqet t’ju mërzisë
Kur një person ka humbur interesin për marrëdhënien, ai mund të bëjë gjëra për t’ju shqetësuar dhe për t’ju larguar.
6. Ju trajton me përbuzje
Kjo është ndoshta shenja më flagrante dhe nuk do të keni shumë vështirësi ta identifikoni. Përbuzja është vrasësja e marrëdhënieve, duke e bërë një person të ndihet i pavlerë dhe pa rëndësi.
