Klubi basketbollistik nga Suhareka, Golden Eagle Ylli, ka njoftuar se skuadrës i është rikthyer basketbollisti, Jalen Nesbitt.
Ylli përmes një njoftimi në llogarinë zyrtare në “Facebook” tha se Nesbitt është “gati për një tjetër sezon spektakolar”.
Nesbitt ishte lojtar i Yllit edicionin e kaluar, ku një kohë ka vuajtur një dëmtim, por që ka arritur ta prekë finalen e Play-Offit në Superligë.
Në finalen e Play-Offit, Ylli pati pësuar nga Trepça për vetëm një pikë në ndeshjen e pestë finale, në të cilën Nesbitt shënoi 11 pikë.
Burimi: botasot.info
