2
Shkup, 5 prill – Në margjinat e mbledhjes së Komitetit të përhershëm të AP-së së NATO-s u mbajt takim ndërmjet delegacioneve maqedonase dhe amerikane në AP të NATO-s të përfaqësuar nga shefat dhe zëvendësshefat e dy delegacioneve: deputetët Dragan Kovaçki, Antonijo Milloshoski, kongresmenët Majkëll Tarner dhe Linda Sançez.
Bisedimet u fokusuan në situatën aktuale të sigurisë, realizimin e detyrimeve të vendeve anëtare të NATO-s në përmbushjen e qëllimeve për përsosjen ushtarake dhe ndarjen e një përqindjeje më të lartë për modernizimin e kapaciteteve kombëtare të mbrojtjes. U diskutuan edhe perspektivat e Aleancës në kuadër të sfidave të mundshme të sigurisë dhe nevoja për përpjekjen e duhur të tyre.
Delegacionet ndanë pikëpamjet për procesin e paqes për Ukrainën, me pritshmëri për përfundimin e luftës në kohën më të shkurtër të mundshme, duke nënshkruar marrëveshje paqeje të qëndrueshme. Në dritën e pesëvjetorit të anëtarësimit të vendit tonë në NATO, u rikonfirmua mbështetja e mëtejshme e SHBA-së, në kuadër të Partneritetit Strategjik. U përshëndet roli i vendit tonë si aleat i besueshëm i NATO-s në ruajtjen e stabilitetit rajonal.
Delegacioni amerikan falënderoi për pritjen e përzemërt në Kuvend dhe përgëzoi mbledhjen e organizuar me sukses të Komitetit të përhershëm të AP-së së NATO-s.
BURIMI: zhurnal.mk
