Ministria ruse e mbrojtjes ka konfirmuar atë që ushtria ukrainase ka thënë për gati një javë: po përdor nëndetëset në Detin e Zi për të kryer sulme me raketa lundrimi ndaj objektivave ukrainas, shkruan CNN, transmeton Bota sot.
Pamjet e lëshuara nga ministria të premten supozohet se tregojnë lëshimin e raketave të lundrimit Kalibr nga një nëndetëse me naftë diku në det.
Ekuipazhi i një nëndetëse me naftë-elektrike të Flotës së Detit të Zi ka lëshuar një breshëri raketash “Kalibr” nga Deti i Zi kundër infrastrukturës ushtarake të Forcave të Armatosura të Ukrainës, tha ministria në kanalin e saj Telegram.
Një javë më parë, forcat e armatosura ukrainase raportuan se dy duzina njësi nga flota ruse po vepronin ende në Detin e Zi, duke përfshirë “nëndetëset me armë raketore“. Të hënën, ata shtuan se trupat ruse “po nisnin sulme me raketa dhe bomba në infrastrukturën ushtarake dhe civile, duke përfshirë nga bombarduesit strategjikë, anijet dhe nëndetëset”.
Mes akteve të sabotimit këtë javë në rajonin separatist të Transnistrisë në Moldavi, ushtria e Ukrainës tha se nëndetëset ruse “vazhdojnë të ruajnë tensionet mbi mundësinë e sulmeve me raketa në Ukrainë. Forcat armike po përgatisin gjithashtu provokime me sulme raketore në Transnistria për të akuzuar Ukrainën për duke sulmuar republikën e panjohur”.
