Është koha për të dhënë meritat aty ku duhen.
Guadalupe Rodríguez, nëna e Jennifer Lopez, mesa duket është arsyeja e ribashkimit të vajzës së saj me ish të fejuarin Ben Affleck, gati 20 vjet pasi u ndanë.
Në emisionin Today, Rodríguez, e cila shoqëroi vajzën e saj për promovimin e filmit të ri të Lopez në Netflix, The Mother, tha:
“E dija që do të ktheheshit gjithmonë bashkë, sepse jam lutur për 20 vjet.”
Lopez la të kuptohet gjithashtu se albumi i saj i ardhshëm, This Is Me…Now, ka të bëjë me udhëtimin e saj prej dekadash me Affleck.
“Unë kam kaluar një udhëtim të jashtëzakonshëm në jetën time për 20 vitet e fundit dhe mendoj se jam rritur shumë,” tha ajo.
“Albumi me të vërtetë ka të bëjë me momentet më të rëndësishme të kësaj marrëdhënieje. Të dashurohesh dhe të kesh atë moment, më pas 20 vjet më vonë duke u përpjekur të kuptosh se çfarë ishte ai moment, dhe ta jetosh atë shumë ndryshe.”
Lopez dhe Affleck filluan të takoheshin për herë të parë në vitin 2002 dhe u fejuan në vitin 2003. Ata njoftuan ndarjen e tyre në fillim të vitit 2004. Në pranverën e vitit 2021, çifti rindezi romancën e tyre dhe (më në fund) u martuan në vitin 2022.
