Policia e Vlorës ka ndaluar një person që dyshohet se nën kërcënimin e armës së gjahut ka përdhunuar një minorene me aftësi ndryshe.
Ngjarja ka ndodhur në një banesë të veçuar në fshatin Brataj, ku i arrestuari mendohet se ka grabitur familjen në fjalë dhe më pas ka përdhunuar vajzën.
Për ngjarjen është lajmëruar fillimisht kryeplaku i fshatit, i cili ka njoftuar menjëherë policinë.Familjarët kanë arritur të njohin dhe identifikojnë dhunuesin, pasi një ditë më parë ai u kishte blerë një viç së bashku me një kasap, raporton A2.
Policia ka bërë të mundur ndalimin e të dyshuarit, ndërsa hetimet do të jenë ato që do të zbardhin të vërtetën e plotë të ngjarjes.
