4
Shkup, 1 dhjetor – Sot, 1 dhjetori, është Dita Botërore e Ndërgjegjësimit për AIDS. Infeksioni me HIV është ende një problem aktual shëndetësor dhe social. Në Maqedoni me virusin HIV jetojnë 687 persona, nga të cilët këtë vit janë regjistruar 51 persona.
Prej tyre 48 janë meshkuj dhe 3 femra. Pesë persona vdiqën nga AIDS këtë vit. Shumica e rasteve të konfirmuara me HIV janë të rinj të moshës 20 dhe 39 vjeç. Autoritetet besojnë se një pjesë e madhe e njerëzve as që e dinë se janë të infektuar.
Në propozim-buxhetin për vitin e ardhshëm janë paraparë vetëm 90 milionë denarë për trajtimin e pacientëve me HIV, ndërsa nevojiten 130 milionë denarë, 109 milionë për terapi dhe 21 milionë për parandalim, sqaron shoqata “Së bashku më të fortë”.
BURIMI: zhurnal.mk
