3
Tetovë, 1 prill – Në disa Shkolla të Tetovës akoma mungojnë aparate për shuarjen e zjarrit dhe hidrantë. Në Shkollën Istakball, me mbi 1200 nxënës, ka vetëm tre aparate për shuarjen e zjarrit. Ata presin ndihmën e autoriteteve.
“Ka kaluar tashmë më shumë se një javë që nga kontrolli që u bë për pajisjet kundër zjarrit, këtu në Istigball e cila ka më shumë se 1200 nxënës, por edhe pse po bëhen tashmë afër dhjetë ditë nga kontrolli, ende punët për riparimin e hidrantëve nuk kanë filluar”, raporton Bashkim Sulejmani, gazetar.
Drejtori arsyetohet se shkolla nuk ka mjete për rregullimin e tyre, ndërsa pret nga komuna që të ndihmoj në këtë drejtim. Në këtë Shkollë me mbi 1200 nxënës ka vetëm tre aparate kundër zjarrit.
“Aparatet kundër zjarrit i servisuam sepse iu kishte kaluar afati. Problemi nuk ishte tek ne por firma që servisonte kishte ndërru numrin e telefonit, por i servisuam, ndërsa sa iu përket hidrantëve një kohë të gjatë nuk kanë qenë funksionale. Por pas Koçanit, e pamë se duhet bërë dhe bashkë me sektori9n do i riparojmë dhe jemi veçmë në kontakt me mjeshtrit. Do shtohet edhe numri i aparateve sepse në secilin kat ka nga një. Por ne nuk kemi buxhet për riparimin e hidrantëve por se kemi ditur se në çfarë gjendje janë, por tani në kontakt jemi me komunën dhe inspektoratit dhe do ndajnë mjete të freskohen të njëjtët”, deklaroi Imbërja Ademi, Drejtor i Sh.F. “Istigball”.
Rregullimi i hidrantëve nuk ka filluar as në gjimnazin e Tetovës, ku të njëjtët rezultonin me sistem të vjetruar dhe me gypa të plasur.
“Neve nuk na ka arritur raport zyrtar se çka kanë vërejt dhe çka mungon, por në bisedë me ta ne konstatuam mungesat dhe kemi nisur punët. Mungesa kemi në modelin e hidrantëve dhe mund vetë ti zgjidhim andaj dhe kemi filluar me procedurë për ndërrim të pajisjeve brenda hidrantëve. Sipas kushteve tona, presim muajin e ardhshëm dotacionin e fundit që të kemi mundësi ti furnizojmë”, tha Jeton Kamberi, Drejtor i gjimnazit “Kiril Pejçinoviq”.
Ndryshe, inspektorati për kontroll të kushteve kundër zjarrit, vazhdon edhe më tej me institucionet komunale por edhe kompanitë private. Nga kontrolli i fundit që iu bë shkollave në Tetovë, nga 18 prej tyre vetëm tre i plotësonin kushtet.
BURIMI: zhurnal.mk
