Në Shëngjin pushimet vazhdojnë. Shumë shqiptarë të Kosovës kanë zgjedhur ta kalojnë fundjavën në plazh.
Disa i janë drejtuar detit pasi kanë mbyllur punët e verës.
Të tjerë kanë zgjedhur të pushojnë në shtator për shkak të çmimeve më të ulëta.
Temperaturat e larta kanë ndikuar që Shëngjini të jetë plot pushues dhe dy javët e para të vjeshtës.
Operatorët turistikë flasin për numër të lartë prenotimesh dhe gjysmën e dytë të shtatorit.
Shqiptarët e Kosovës janë turistët më të shumtë në bregdetin e Shëngjinit dhe përgjatë këtij sezoni.
