Me ritmin aktual të avancimit të Forcave të Armatosura Ruse në territorin ukrainas, pushtimi i plotë i vendit duket të jetë një objektiv tepër i largët në kohë.
Sipas një vlerësimi ironik, por domethënës të publikuar nga Forbes, Rusia do të mund të përfundonte një pushtim të tillë vetëm deri në vitin 2256, nëse e ruan të njëjtën dinamikë që ka treguar deri më tani.
Ky përfundim vjen nga analizat e analistit ushtarak të Forbes, David Axe, i cili thekson jo vetëm ritmin e ngadaltë dhe me kosto të lartë të operacioneve ruse, por edhe pasojat potencialisht katastrofike për popullsinë dhe ushtrinë e këtij vendi.
Sipas llogaritjeve të tij, një fushatë ushtarake me një shtrirje dhe kohëzgjatje të tillë mund t’i kushtojë Rusisë mbi 100 milionë jetë njerëzish – shifër tronditëse që nënvizon jo vetëm pamundësinë logjistike dhe njerëzore të këtij objektivi, por edhe absurditetin e vazhdimit të një lufte me kosto kaq të lartë.
Ky raport shërben si një kritikë e ashpër ndaj strategjisë ushtarake të Moskës dhe një paralajmërim për pasoja afatgjata, si për Rusinë, ashtu edhe për stabilitetin rajonal dhe ndërkombëtar.
Ndryshe, Rusia ka nisur pushtimin e shtetit ukrainas më 24 shkurt të vitit 2022 duke shkaktuar mijëra viktima dhe dëme të shumta materiale.
Burimi: botasot.info
