Zyrtarët thonë se me këto kapacitete është e pamundur të ruhen pyjet Dëmtimi i pyjeve po ndodh pamëshirshëm në Kosovë. Inspektorati i Agjencisë Pyjore të Kosovës ka mjaft të dhëna rreth këtyre dëmeve. Numri i vogël i rojeve të pyjeve dhe kompetencat e përziera e bëjnë të vështirë ruajtjen e pijeve.
Ndryshimet në ligjin për pyjet mund të japin shpresë për ta përmirësuar këtë situatë.
Prerja ilegale e pyjeve nuk është dukuri e rrallë në Kosovë. Zyrtarët shtetëror thonë se kanë identifikuar keqbërësit, por ata nuk po e marrin dënimin e merituar.
Inspektorët nga Agjencia e Pyjeve thonë se ky është një nga rastet kur mali dëmtohet pamëshirshëm.
Besim Zogu, Drejtori e Inspeksionit në Agjencinë Pyjore, thotë se rojat e pyllit kanë lëshuar edhe gjoba për këtë krim mjedisor.
Me ndryshimet ligjore që planifikohen të ndodhin në Kuvend, Agjencia e Pyjeve i merr përgjegjësitë e ruajtjes së pyjeve.
Ndihmë në menaxhim të pyjeve po japin edhe organizatat ndërkombëtare, por edhe ekspertë nga FAO – Organizata e Ushqimit dhe Bujqësisë
Ministria e Bujqësisë po punon në hartimin e strategjisë afatgjate të mbrojtjes së pyjeve.
