Kolonia e lojtarëve shqiptarë në Itali shtohet çdo ditë e më shumë. Xhoel Mezani është lojtari më i ri që i bashkohet Empolit.
Mbrojtësi 16-vjeçari ia ka dalë që të bindë drejtuesit toskanë dhe tashmë ka arritur të firmosë kontratën.
Mezani do të jetë pjesë e të rinjve të Empolit dhe do të synojë që të bëhet sa më shpejt pjesë e ekipit A.
Mbrojtësi do të tentojë të ndjekë rrugën e Ardian Ismajlit, Nedim Bajramit dhe Kristjan Asllanit, të cilët nga ekipet e moshave u bënë pjesë e ekipit të parë të Empolit. Kujtojmë se 16-vjeçari është gjithashtu pjesë e Kombëtares dhe shihet si një lojtar mjaft premtues.
Burimi: botasot.info
