Federata Italiane e Futbollit ka ndryshuar rregullat në Seria A.
Nëse dy skuadra e përfundojnë sezonin me pikë të barabarta, atëherë do të zhvillohet një ndeshje në mes tyre.
Federata Italiane e Futbollit ka njoftuar se ky vendim do të vlejë që nga sezoni i ardhshëm – 2022/23.
Ndeshja do të jetë 90 minuta, nëse nuk ka fitues atëherë nuk do të ketë vazhdime, por do të kalojnë drejt në penallti.
Në fakt, nuk është hera e parë që një rregull i tillë aplikohet në Itali, pasi vitin 1964 fituesi i Serisë A u zgjodh pikërisht në këtë formë.
Në atë periudhë, Inter u mposht nga Bologna, në Olimpico me rezultatin 2-0 , kështu duke e fituar titullin.
Kujtojmë se Serie A në këtë sezon do të startojë më datë 14 gusht dhe do të mbyllet më datë 4 qershor.
