Kompania koncesionare Ems e cila ka për 35 vjet terminalin lindor në portin e Durrësit deklaroi se në mënyrë arbitrare Autoriteti Portual i Durrësit ka ndërhyrë me forca policie dhe mjete duke pezulluar aktivitetin e saj tregtar.
Sipas tyre, kane bllokuar hyrjet dhe daljet e automjeteve, zyrat dhe peshoren e mjeteve pa një paralajmërim.
“Anijet presin të ngarkohen dhe shkarkohen. Nuk e dimë cili është qëllimi i zaptimit të sipërfaqeve të kalatës lindore dhe pezullimi i aktivitetit”, tha Florian Cimo, përfaqësues i Ems.
Sipas tij, ka dëm ekonomik në aktivitetin tregtar për kompanitë importuese dhe eksportuese. Kjo sipërfaqe e portit është pjesë e Projektit të Alabarit.
