Avokati i Popullit, Naser Ziberi ka deklaruar se është hapur lëndë në lidhje me rastin e vdekjes së Rexhail Qerimi.
“Një ekip prej tre këshilltarësh e kanë vizituar burgun e Idrizovës, janë kontrolluar hapësirat, respektivisht qelia ku e ka vuajtur dënimin personi në fjalë. Është vizituar edhe veni ku ka ndodhur keqësimi dramatik i gjendjes shëndetësore. Kemi kontrolluar kamerat e sigurisë në të gjithë burgun për ta përcjellë si është zhvilluar situata. Kemi biseduar me udhëheqësinë e burgut dhe me personelin mjekësorë. Kemi kontaktuar MPB-në, hetuesinë dhe prokurorinë dhe të gjitha këto informacione i kemi sistematizuar”, ka thënë Ziberi.
