Vedat Muriqi ka dhënë sot një intervistë për median lokale, “Futbol desde Mallorca” teksa gazetari është mahnitur me përgjigjet e sinqerta të futbollistit tonë.
“Ajo që ndodhi në Bruges ishte surreale.
Kur unë dhe agjenti i im mbërritëm në qytet, nuk kishte njeri që të na priste, dhe më pas kur më thanë se diçka nuk shkoi mirë gjatë testeve mjekësore, u shqetësova shumë se çfarë mund të ndodhte.
Për fat të mirë jam sërish në shtëpi”, është përgjigjur Muriqi kur është pyetur për kalimin në Club Brugge, i cili dështoi të ndodhte.
Sigurisht intervista është bërë në gjuhën angleze.
Ndryshe Muriqi shënoi gjatë stërvitjeve, teksa media në fjalë është mbetur e ngazëllyer me Muriqin duke shkruar se ai lënë mbresa të mira “si njeri” sepse tashmë ai njihet në këtë ishull për vlerat e tij si lojtar.
“Do më pëlqente ta mbyll karrierën këtu, të futem në histori dhe të bëhem njëri prej idhujve të Mallorcas”, ka thënë ndër të tjera Muriqi në këtë intervistë.
Ai gjithashtu ka treguar për videon e prezantimit të tij të quajtur “Pobre Diabla”, nga vjen edhe pseudonimi i tij “Pirati”, por ai ka treguar edhe për nofkën që atij ia kishin lënë në Turqi.
