Në një intervistë për gazetën spanjolle “AS”, Vedat Muriqi, ka thënë se politika duhet të lihet jashtë futbollit.
Ai ka zbuluar se ka mundur të mos kishte nënshkruar me Majorkën, shkaku i pasaportës së tij. Muriqi ka deklaruar se “është e turpshme” që flamuri i Kosovës të mos paraqitet pranë emrit të tij në listën e golashënuesve, siç ndodh me secilin futbollist të kombësive të tjera në ligë.
“Ufff… liga ka bërë një listë golashënuesish dhe të gjithë kanë flamurin e vendit të tyre pranë emrit dhe unë nuk kam asgjë, nuk kam flamur, kjo është e turpshme, mendoj se futbolli dhe politika nuk duhet të jenë në të njëjtën rrugë, duhet ta ndryshojmë këtë.
Falenderoj tifozët e Majorkës dhe Spanjës që me njohin tashme, e vërteta është që kam probleme me dokumentet sepse vendi im nuk njihet këtu dhe pyetja e pare nga Pablo Ortells (drejtori sportiv i Majorkës ) ishte, çfarë pasaporte keni? dhe unë u përgjigja: pasaportë shqiptare dhe ai mori frymë lehtë sepse më tha që po të kisha pasaportën e Kosovës, nuk do të mund të më firmosnin, nuk mund të firmosja për një ekip për arsye politike, kjo nuk është gjë e mirë dhe mendoj se ne të gjithë mund të jetonim në paqe”.
Pavarësisht këtyre problemeve, ecuria e ‘Piratit’ me Majorkën këtë sezon është spektakolare dhe me 8 gola në 13 ndeshje, ai ka filluar të ketë numra historik me skuadrën nga Palma de Majorka.
