Xhanluka Skamaka është shumë pranë transferimit te PSG-ja.
Sipas asaj që raporton e përditshmja sportive italiane “La Gazzetta dello Sport”, mungojnë vetëm detajet e fundit për t’i dhënë dritën jeshile këtij operacioni merkatoje.
Klubi parizien i ofron Sasuolos 40 milionë euro, ndërsa klubi nga Rexhio-Emilia kërkon 50 milionë euro, por në Itali janë të sigurt se “tymi i bardhë” do të vijë me një shifër 45 milionë euro plus 5 milionë euro bonuse.
23-vjeçari italian thuhet se do të përfitojë rreth 3 milionë euro në sezon dhe me një rritje të ndjeshme të pagës sezon pas sezoni.
Në sezonin e kaluar, Xhanluka Skamaka me fanellën e Sasuolos në Serinë A u aktivizua gjithsej në 36 ndeshje duke shënuar 16 gola dhe duke mos dhuruar dot asnjë asist.
