1
Shkup, 21 mars – Një falenderim i sinqertë, në emër të popullit të Maqedonisë, qeverisë dhe shtetit, për nivelin e lartë të solidaritetit që Sllovenia po tregon – dëshmi e respektit të thellë mes vendeve dhe popujve tanë”, theksoi ministri i Punëve të Jashtme dhe Tregtisë së Jashtme Timço Mucunski sot në Lubjanë, në takime të veçanta me ministren e Punëve të Jashtme, Tanja Fajon dhe ministren e Shëndetësisë Valentina Prevolnik Rupel dhe personelin mjekësor që kujdeset për pacientët tanë të hospitalizuar në Slloveni.
“Kam pasur rastin të marr personalisht informacion nga ekipi mjekësor dhe të takoj kuadrin profesional që ka ndihmuar në një segment jashtëzakonisht të rëndësishëm – organizimin dhe zbatimin e transportit mjekësor të pacientëve. Dhe në Slloveni, ambasada jonë, me të gjitha kapacitetet e saj, është në dispozicion të plotë të familjeve të pacientëve. Shtabi i Krizave nga Shkupit është në koordinim të vazhdueshëm me të gjitha institucionet e përfshira në procesin e transportit, pranimit dhe trajtimit”, njofton Mucunski në profilin e tij në Fejsbuk. qa/
Foto: Fejsbuk i ministrit, Timço Mucunski
BURIMI: zhurnal.mk
