Instituti Hidrometeorologjik i Kosovës ka ngritur alarmin në të verdhë, kur moti është potencialisht i rrezikshëm, për shkak të mundësisë që të reshurat e shiut të shkaktojnë daljen e lumenjve nga shtretërit e tyre dhe të krijohen vërshime.
Sipas Institutit, priten të reshura shiu 20 milimetra për metër katror brenda një periudhe 12-orëshe.
“Aktualisht lumenjtë në tërë vendin kanë pësuar rënie, por reshjet e shiut, të cilat parashikohen të bien gjatë orëve në vazhdim, sidomos në pjesën lindor, Pellgu i Moravës së Binçës, do të ndikojnë në ngritjen e nivele sidomos atyre malore dhe rrjedhimisht edhe lumin Morava, të cilat mund të shkaktojnë vështrime. Situata e tillë do të dominojë edhe në pjesë tjera të vendit, sidomos pjesa veri-lindore, Pellgu i llapit, qendrore, Sitnica dhe jugore, Pellgu i Lepencit.
Instituti bën të ditur se ky njoftim ka ardhur nga Sistemi Evropian i Parashikimit të motit EFAS, Modeli për parashikimin e përmbytjeve PANTA RHEI dhe të dhënat nga rrjeti shtetëror i stacioneve hidrometeorologjike.
Instituti Hidrometeorologjik i Kosovës fton qytetarët që të tregohen të kujdesshëm dhe të qëndrojnë të informuar.
Burimi: botasot.info
