Paneli i diskutimit të kryeministrave gjatë Forumit Strategjik të Bledit nisi me batuta mes kryeministrit tonë, Edi Rama dhe moderatorit.
Gazetari nisi të flasë për çeljen e negociatave të Shqipërisë me BE-në, por kryeministri ndërhyri, duke kërkuar më shumë minuta në dispozicion për të dhënë përgjigjen.
“Jua kam thënë pak ditë më parë, po e them dhe këtu, kur ftoni njerëz nga vende nga Ballkani, mos vini kronometër, të qenit shumë gjerman nuk është gjë e mirë. Kjo është arsyeja pse amerikanët ju kanë rekrutuar lehtësisht”, tha Rama.
“Sa herë jemi të dy në skenë, gjërat bëhen virale. Sepse kemi rrënjë turke të dy”, tha moderator, duke u rikthyer sërish te çështja e integrimit.
