Mos u dashuro me një person të shenjës së Virgjëreshës, pasi është personi më i sinqertë që mund të kesh takuar ndonjëherë.Ndershmëria dhe aftësia e tyre për të mos e fshehur se kush janërealisht, do të të motivojë edhe ty të jesh një version më i mirë i vetes. Do të të bëjnë edhe ty t’i përballosh situatat, për të cilat ke frikë; t’i përballosh gjërat që do zemra jote, por që mendja jote të thotë të mos i bësh.
Një person i shenjës së Virgjëreshës do të të qëndrojë pranë edhe kur do të duhet të marrësh një vendim që do ta ndryshojë jetën tënde. Madje, nëse është diçka që nuk e arrin dot ta realizosh vetë, ai do të ndihmojë ta arrish.
Mos u dashuro me dikë që i përket kësaj shenje horoskopi, pasi synon perfeksionin. Edhe nëse i thua se e ka bërë gjithçka mirë, sërish do të mendojë për një detaj koti të gabuar dhe do ta stresojë veten për ta bërë më mirë herë tjetër. Është ekstremisht modest dhe nuk i merr asnjëherë meritat i vetëm, edhe kur gjithçka e bën vetë. Mundohet ta ndajë meritën me të tjerët.
Mos u dashuro me një person të shenjës së Virgjëreshës, pasi e kanë shumë të vështirë t’i pranojnë gabimet dhe defektet e tyre.Ata ia pranojnë vetes, por nuk i pranojnë në sytë e të tjerëve. Edhe kur dikush bën një gabim që i lëndon, prapë i falin por nuk i harrojnë se si i kanë bërë të ndihen.
Një Virgjëreshë e di se sa e vështirë është të gjesh dikë që t’ia vlejë, dhe kur e gjejnë dikë me vlerë, bëjnë gjithçka për ta mbajtur pranë. Kjo ndonjëherë i bën të duken si persona shumë“të ngjitur”, por këtë e bëjnë nga frika se mos e humbasin personin që kanë pranë. Kuptojini, e kanë formën e të shprehurit të dashurisë që ndiejnë.
Mos u dashuro me një person të shenjës së Virgjëreshës, sepse nuk do të ndalet asnjëherë së luftuari për ty. Nuk do të dorëzohet asnjëherë për ty. Nuk do të ndalet së besuari tek ty dhe nëse ti shndërrohesh në një person të besuar për të, dije se bashkë do tëbëni një çift që të gjithë do t’ju kishin zili.
