Modelja dhe këngëtarja shqiptare Morena Taraku ka reaguar për herë të parë pas tërmetit të fuqishëm që goditi Turqinë. E ndodhur atje në momentin e lëkundjeve, Taraku ka ndarë me ndjekësit e saj një përjetim emocional dhe tronditës. Përmes një postimi në Instagram Story, ajo ka konfirmuar se është mirë me shëndet, por ka treguar se përjetimi ka qenë tejet i vështirë, veçanërisht pasi ndodhej në spital me babain e saj kur ndodhi tërmeti.
“Isha me babain në spital… vrapova brenda duke bërtitur ‘babi, babi’”
Taraku rrëfen se në momentin e tërmetit ishte disa metra larg babait të saj në spital dhe menjëherë reagoi për ta gjetur:
“Vrapova brenda duke bërtitur ‘babi, babi’, derisa ia kapa dorën dhe dolëm jashtë. Ngjarja ishte e papërshkrueshme. Ju betohem, ishte si një film.”
“Zoti e bekoftë! S’e kam imagjinuar kurrë që do të ballafaqohesha me vdekjen pa të”
E tronditur, Morena shpreh falënderimin ndaj Zotit për faktin që janë mirë, por edhe frikën e madhe që ndjeu për jetën e babait të saj:
“S’e kam imagjinuar kurrë që, nëse do të ballafaqohesha me vdekjen, do të shkoja pa të. Jam ende e traumatizuar, por jemi mirë.”
Burimi: botasot.info
