A mund të jetë Moldavia e shënjestra e radhës e Putin? Udhëheqësit e Moldavisë shprehin frikën e tyre se mund të jenë në shënjestër nga Kremlini.
Sekretari amerikan Antony Blinken është takuar me dy gratë që drejtojnë këtë vend: Kryeministren Natalia Gavrilita dhe Presidenten Maia Sandu.
Ai është vetëm sekretari i tretë i shtetit i SHBA-ve që ka vizituar Moldavinë.
Javën e kaluar, disa ditë pas pushtimit të Ukrainës nga Rusi, ata aplikuan për anëtarësim në BE.
Nuk ka asnjë provë konkrete për të konfirmuar frikën moldave, që bazohet në historinë dekadash duke qenë vend fqinj me Ukrainën dhe ku kryeqyteti është rreth 128 km larg nga Ukraina.
Transnistria, një rajon i mbështetur nga Rusia u shkëput nga Moldavia në vitin 1990, ndërsa Moska ka ende një bazë ushtarake atje me rreth 1500 ushtarë.
“Ju e keni parë përgjigjen globale që ne kemi mobilizuar kundër agresionit të Rusisë, kurdo dhe kudo që mund të shfaqet ai agresion, ne do të bëjmë të njëjtën gjë.” Theksoi Blinken.
Ai tha gjithashtu se do të kërkonte fonde për të ndihmuar Moldavinë të kujdeset për refugjatët ukrainas që ka pranuar deri më tani.
