Bojan Jovanovski – Boki 13, mbrëmë është dërguar në Qendrën Emergjente për ekzaminim për shkak të sulmit fizik. Lëndime të dukshme të jashtme, ënjtje dhe gërvishtje janë konstatuar në zonën e kokës, dorës, kyçit të dorës dhe krahut.
Pas hetimeve i njëjti është ekzaminuar nga neurokirurg, traumatolog dhe kirurg tretës, pas çka është liruar për shkak të vlerësimit mjekësor se nuk ka pasur nevojë për shtrimin në spital, njoftuan nga Qendra Emergjente.
Më herët, nga MPB-ja konfirmuan se tre persona e kanë sulmuar fizikisht Bojan Jovanovskin dje në ambientin e burgut “Idrizovë”, ku po vuan dënimin me burg.
Prej atje thanë se dje në ora 20:00 në SPB Shkup – Stacioni Policor Gazi Babë, nga Kompleksi i klinikave “Nënë Tereza” është raportuar se me lëndime të lënduar tek ta është sjellë B.J. (36) nga Shkupi.
