Zëdhënësja e qeverisë, Marija Miteva thotë se është e befasuar që LSDM po ndjek me zell politikat e vendeve fqinje dhe sa mirë janë të njohur ata me situatën atje. Sipas saj, deklaratat për pasigurinë në sektorin bankar dhe gjendjen e krimit dhe korrupsionit janë diçka që pasohet edhe nga përhapja e panikut dhe informacionit të pasaktë.
“Kur i qaseni kësaj teme, duhet të keni më shumë përgjegjësi kur flisni me qytetarët. Ne as nuk po e minimizojmë problemin, as nuk po e lëmë mënjanë, por ju po e maksimizoni të gjithë situatën që po ndodh përmes lajmeve të rreme, përmes informacionit të pasaktë, kryetari juaj në rrjetin social “X” postonte statuse se personat juridikë nuk do të jenë në gjendje të disponojnë kapitalin e tyre, sot vendimi, rezoluta, u botua në Gazetën Zyrtare, dhe u hodh poshtë”, tha Miteva në emisionin “24 analizë” në lidhje me situatën me “Alta Banky” dhe akuzat nga LSDM.
Zëdhënësja e qeverisë i drejtoi pyetje edhe nënkryetares së LSDM-së, Fani Karanfilova-Panovska.
“A do të merrni më në fund, si parti politike, jo vetëm në këtë rast, përgjegjësi për atë që thoni? Sepse do t’ju kujtoj për emigrantët, sepse do t’ju kujtoj për të gjitha situatat e tjera që thatë për falimentimin, se pensionistët nuk do të marrin pensione e kështu me radhë. Shumë nga këto situata që thatë, dy vjet më vonë nuk janë bërë realitet. A do të merrni përgjegjësi për të njëjtën gjë?”, pyeti ajo.
E pyetur për biznesmenin serb Davor Macura, pronar i “Alta Banka Beograd” dhe i arrestuar në Serbi, Miteva tha se këto pyetje janë për vendin fqinjë.
Burimi: botasot.info
