Deputeti demokrat, Agron Gjekamarkaj zhvilloi një takim në Mirditë këtë të diel.
Ai theksoi se me konstituimin e shtabit elektoral në Mirditë dhe prezantimin e kandidatit Aleksandër Lala, PD ndez motorët e fushatës për një rezultat dinjitoz në shërbim të kësaj krahine dhe mbarë vendit.
Sipas nënkryetarit të Kuvendit, Mirdita do të kontribuojë në fitoren e PD në zgjedhjet e 11 majit.
“Mirdita e burrave, trimave dhe personaliteteve të shquara do të kontribuojë në fitoren e PD, shpresës dhe besimit për një Shqipëri më të mirë dhe europiane.
Me konstitumin e shtabit elektoral në Mirditë dhe prezantimin e kandidatit Aleksandër Lala, PD ndez motorët e fushatës për një rezultat dinjitoz në shërbim të kësaj krahine dhe mbarë vendit.
Z. Lala është një intelektual dhe politikan i njohur i treves, kandidat i Listës së Koalicionit të Shqipërisë Madhështore, ku shfaq besimin e maksimalizinit të votës, besimin tek ndryshimi, besimin tek Mirdita si fituese nëpër histori,si fituese në bashkohësi, si pararojë e rezultatit 5 me 2.
Mirdita do të bashkohet në mbështetje të birit të vet i cili asnjëherë nuk iu shkëput fuqisë dhe besimit, për ta bërë Mirditën, më te bukur, më të zhvilluar, më të zëshme dhe më të ndritur. Këtë ne do ta bëjmë realitet me 11 Maj.
Qeveria në ikje i ka bërë dëm të madh Mirditës, Lezhës, Kurbinit dhe mbarë vendit. Ndaj mbarë shqiptarët, të bashkuar kundër korrupsionit, keqqeverisjes dhe skandaleve do ta largojnë me votë popullore rilindjen dhe krimin e saj”, ka shkruar Gjekmarkaj.
Burimi: botasot.info
