Miqtë ndërkombëtarë e urojnë ministrin Osmani për kryesimin e ardhshëm të vendit me OSBE-në
Në seancën plenare të Këshillit të 29-të Ministror të OSBE-së, në Logj, Poloni, i pari i Diplomacisë së vendit, Bujar Osmani ka marrë fjalët e para inkurajuese në prag të marrjes së kryesimit të Maqedonisë së Veriut me OSBE-në.
“Ne kemi besim se edhe gjatë kryesimit të Maqedonisë së Veriut, OSBE do të jep rezultate”, ka thënë mes tjerash Viktorija Nulland, Nënsekretare për çështje politike në Stejt Departamentin Amerikan, gjatë fjalës së saj në seancën plenare.
Në fjalimin e tij para Ministrave të Punëve të Jashtme dhe përfaqësuesve të vendeve pjesëmarrëse të OSBE-së, Ministri Osmani u fokusua në situatat me të cilat po përballet Organizata dhe në sfidat e sotme politike dhe ato të sigurisë.
Përfaqësues të lartë politik të Gjermanisë, Holandës, Sllovenisë, Rumanisë, Kazakistanti, Irlandës dhe Turqisë gjatë seancës kanë uruar kryediplomatin Osmani për kryesimin që vijon me OSBE-në, duke i garantuar bashkëpunim dhe ndihmë në realizimin e agjendës drejt sigurimit të një rajoni më stabil dhe të qëndrueshëm.
Maqedonia e Veriut me 1 janar 2023 merre kryesimin me OSBE-në.
Burimi:________
