Orët e humbura të mësimit shkojnë në dëm të zhvillimit të fëmijërisë së hershme. Ky paralajmërim bëhet nga ministrja e Punës dhe Politikës Sociale, Jovanka Trençevska, e cila u bën thirrje edukatorëve dhe kujdestarëve që të normalizojnë procesin edukativo-arsimor dhe të pranojnë fëmijët në kopshte.
“Besoj se në radhë të parë do të vihet interesi i fëmijëve. Kopshtet do të hapin dyert e tyre dhe përmes një dialogu të fortë partneriteti të vazhdueshëm që ne vazhdojmë me Sindikatën, do të gjejmë një model që siguron dhe garanton rritje të vazhdueshme të pagave për punonjësit në kopshte”, deklaroi Trençevska. /SHENJA/
