Pasi nënkryetari i Komunës së Prishtinës, Alban Zogaj reagoi duke e dënuar prerjen e drunjve te Teatri Kombëtar në kryeqytet, duke e quajtur veprimit të papranueshëm dhe të turpshëm, Ministria e Kulturës doli me një sqarim.
Në kumtesën për media bëhet e ditur se largimi i drurit ka qenë i paraparë në projektin e restaurimit të plotë dhe zgjerimit të hapësirave të teatrit, për shkak që rrënjët e tij kanë qenë të mbështetura në muret e strukturës së ndërtesës, duke dëmtuar kështu strukturën dhe duke pamundësuar realizimin e punëve të drenazhimit, përforcimin e themeleve dhe vazhdimin e zbatimit të projektit.
“Po kujdesemi që projekti të zbatohet tërësisht, dhe punët të zhvillohen në mënyrën më profesionale.
Natyrisht që druri i prerë do të zëvendësohet. Hapësirat e gjelbërimit janë të parapara dhe do të zbatohen në detaje” thuhet më tej në sqarim të Ministrisë së Kulturës.
Burimi: botasot.info
